રિટર્ન કેસમાં વિસનગરના કોન્ટ્રાક્ટરને સજા૧૪.૯૮ લાખના ચેક રિટર્ન કેસમાં વિસનગરના કોન્ટ્રાક્ટરને ૧ વર્ષની કેદકોર્ટે આરોપીને ચેકની રકમ એટલે કે ૧૪,૯૮,૨૨૯ વળતર પેટે ૨૦ દિવસમાં ચૂકવી દેવા પણ કડક આદેશ કર્યો છેપાટણની જ્યુડિશિયલ મેજિસ્ટ્રેટ કોર્ટે ચેક રિટર્ન કેસમાં એક સીમાચિહ્નરૂપ ચુકાદો આપ્યો છે. વિસનગરના પુદગામ સ્થિત ‘શક્તિ એન્ટરપ્રાઈઝ‘ ફર્મના પ્રોપરાઈટર રાજેન્દ્રભાઈ ભગવાનદાસ પટેલને દોષિત ઠેરવી એક વર્ષની સાદી કેદ ની સજા ફટકારવામાં આવી છે. કોર્ટે આરોપીને ચેકની રકમ એટલે કે ૧૪,૯૮,૨૨૯ વળતર પેટે ૨૦ દિવસમાં ચૂકવી દેવા પણ કડક આદેશ કર્યો છે.
પાટણની જી.આઈ.ડી.સી.માં ‘ઉમા સ્ટીલ‘ નામની પેઢી ધરાવતા દિવ્યકુમાર પ્રકાશભાઈ પટેલ લોખંડની ચીજવસ્તુઓનો વેપાર કરે છે. આરોપી રાજેન્દ્ર પટેલ કન્સ્ટ્રક્શનના વ્યવસાય સાથે સંકળાયેલા હોવાથી તેઓ દિવ્યકુમાર પાસેથી માલસામાનની ખરીદી કરતા હતા. આરોપીએ કુલ ૫૮,૯૯,૦૮૮ ના ટી.એમ.ટી. સળિયા ખરીદ્યા હતા.જેમાંથી ૪૪,૦૨,૦૫૦ ચૂકવ્યા હતા, પરંતુ બાકી રહેતી ૧૪,૯૮,૨૨૯ ની રકમ માટે ચેક આપ્યો હતો.૨૬ નવેમ્બર ૨૦૨૨ ના રોજ બેંક ખાતામાં ‘અપૂરતું ભંડોળ‘ હોવાના કારણે આ ચેક રિટર્ન થયો હતો.
જ્યુડિશિયલ મેજિસ્ટ્રેટ ડી.એમ. ચૌહાણે ચુકાદો સંભળાવતા નોંધ્યું હતું કેફરિયાદી પક્ષે તમામ પુરાવાઓ સાથે કેસ સંપૂર્ણપણે સાબિત કર્યો છે.આરોપી સામે સમાન પ્રકારના અન્ય કેસો પણ પડતર છે, જે દર્શાવે છે કે તેઓ આવા ગુના કરવા માટે ટેવાયેલા છે.આરોપીએ જાણીજાેઈને ખાતામાં બેલેન્સ ન હોવા છતાં ચેક આપી ફરિયાદી સાથે વિશ્વાસઘાત કર્યો છે.
