હોર્મુઝ અંગે ઈરાનની ખુલ્લી ધમકી ‘અમેરિકા નાકાબંધી નહીં હટાવે તો પછી એક્શન લઇશું’ હોર્મુઝ સ્ટ્રેટ દુનિયાના ૨૦ ટકા કાચા તેલ અને ગેસના પુરવઠા માટેનો મુખ્ય માર્ગ છે. ફેબ્રુઆરીમાં અમેરિકા અને ઈઝરાયેલના હુમલા બાદ આ માર્ગ આંશિક રીતે પ્રભાવિત થયો હતો મધ્ય-પૂર્વમાં વધતા તણાવ વચ્ચે હોર્મુઝની સામુદ્રધુની હવે વૈશ્વિક રાજનીતિનું કેન્દ્ર બની છે. ઈરાને આ જળમાર્ગથી પસાર થતા જહાજાે માટે ઈરાની રિવોલ્યુશનરી ગાર્ડ્સ (IRGC) ની મંજૂરી લેવી ફરજિયાત કરી દીધી છે.
આ સાથે જ ઈરાને અમેરિકા સામે શરત મૂકી છે કે જાે તેમના ફ્રીઝ કરવામાં આવેલા ફંડને મુક્ત કરવામાં નહીં આવે અને આર્થિક નાકાબંધી નહીં હટે, તો તેઓ આકરું વલણ અપનાવશે.બ્રિટિશ વડાપ્રધાન કીયર સ્ટાર્મરે જાહેરાત કરી છે કે હોર્મુઝમાં શિપિંગની આઝાદી પુન:સ્થાપિત કરવા માટે એક ડઝનથી વધુ દેશો સંરક્ષણ મિશનમાં જાેડાવા તૈયાર છે. પેરિસમાં યોજાયેલી ૪૯ દેશોની બેઠકમાં બ્રિટન અને ળાન્સે બહુરાષ્ટ્રીય સુરક્ષા મિશનની બ્લુપ્રિન્ટ તૈયાર કરી છે. આગામી અઠવાડિયે લંડનમાં એક સૈન્ય સંમેલન યોજાશે, જેમાં આ મિશનના માફ્રખાની સત્તાવાર જાહેરાત કરવામાં આવશે.ઈરાનના વિદેશ મંત્રી અબ્બાસ અરાઘચીએ જણાવ્યું છે કે આ જળમાર્ગ માત્ર કોમર્શિયલ જહાજાે માટે જ ખુલ્લો રહેશે અને તે પણ ઈરાન દ્વારા નિર્ધારિત માર્ગ પરથી જ પસાર થઈ શકશે. IRGC એ સ્પષ્ટ કર્યું છે કે કોઈપણ સૈન્ય જહાજને આ જળમાર્ગમાં પ્રવેશવા દેવામાં આવશે નહીં. ઈરાન પોતાને આ વ્યૂહાત્મક માર્ગનો રક્ષક માને છે અને તેણે ચેતવણી આપી છે કે જાે તેમના બંદરો પર અમેરિકાની નાકાબંધી ચાલુ રહેશે, તો તે જવાબી કાર્યવાહી કરશે.હોર્મુઝ સ્ટ્રેટ દુનિયાના ૨૦ ટકા કાચા તેલ અને ગેસના પુરવઠા માટેનો મુખ્ય માર્ગ છે. ફેબ્રુઆરીમાં અમેરિકા અને ઈઝરાયેલના હુમલા બાદ આ માર્ગ આંશિક રીતે પ્રભાવિત થયો હતો. હવે જાે અહીં ફરીથી અવરોધ ઉભો થશે, તો વૈશ્વિક સ્તરે ઉર્જાના ભાવમાં તોતિંગ વધારો થઈ શકે છે. હાલમાં શિપિંગ એસોસિએશનો પણ દરિયાઈ સુરક્ષાને લઈને ચિંતિત છે અને લંડનની સૈન્ય બેઠક પર સૌની નજર ટકેલી છે.
